沽清兩個第一城單位

這兩天沽清兩個第一城單位 (一自住一投資) 兩個沽出時都係同類單位呎價新高 (以層數, 呎數及單位實用率比較其他座數來計).

兩個單位均為08年中買入：

買入第一間用9成按揭

第二間用8成半按揭 (08年中仍有這個投資按揭保險, 現在已沒有了)

單位比銀行估價分別高9%及5%, 個市幾癲唔洗講, 我懷疑買家承按會否有困難. 不過現在很多買家抬錢都上會, 覺得反正置安心只令市場安心, 而非用家.

以投入本金, 收租回報等計, 兩個單位平均回報180%，連利息等所有開支投入二十幾萬及三十幾萬, 連租金及樓價差幅賺四十幾及六十萬。當年有blog界中人話借錢買樓蝕死我, 仲有人咒我海嘯時俾銀行call loan............ 其實是一派胡言，現在賣出，向大家報喜，是最好的回應。亦可以擔保我不會傻得換樓加大按揭.

別問我幾時見頂, 我只知在內地開始加息及歐美經濟仍不明朗的時期，股票及資源已較物業吸引。樓市現在人人恐慌性買入, 追價唔斬眼, 與銀行估價差10%都買, 就應該沽出。

投資物業最忌賺到最後一萬, 因為一旦市況崩潰, 每一個星期可以跌5-10%，半年可以無一半市值。我傾向留最後10%給人賺，而兩層物業沽出價跟97頂峰連10%差價都沒有。

值得一提是：純升幅計，質素較好的中層兩房升值25%，質素較差的低層一房升值反而33%，兩個都是以當時市價稍低2%買入。再次証明，爛茶渣有時有可溢出茶味。

祝大家股樓暢旺, 繼續賺多D。