恐慌已現! 錢進!

上年在yahoo blog叫告訴大家要買BP，如果有跟入，現在應賺了4成。 文章如下：

我買BP.網誌分類：投資理財 | 私人. .網誌日期：2010-06-22 19:54
BP因為漏油無左一半市值, 但現金流其實好強. 除非油價跌到USD50, 否則未來訴訟唔會對現金流扣成影響, 至少唔會資不抵債

BP留左200億美元作賠償, 亦準備發債50億美元, 年息10厘. 不過我相信最後年息會係6厘左右. 10厘等於富力地產果堆負資產公司的發債利息. 匯控最折墮時都無咁慘, BP10厘息似係試市場反應.

BP有1/3股東係美國人, 當中大部係由退休基金持有. 奧巴馬現時做的是政治舉動, 英美兩國都想BP盡量賠得少, BP有事, 英美兩國都唔掂.

BP唔會執粒, 賠償200億都可能唔洗. 但所有因素都反映在股價

現時股價乃14年新低, 小注買入值搏率高. 買左三年內好難唔升5成. 如果明年底恢復派息, 現價年息係13厘.

值搏!

如果真係有無數人claim 錢, 令佢頂唔順, 咁就當我有眼無珠. 講明小注, 蝕晒都無怨無悔

(http://hk.myblog.yahoo.com/etchai2002/article?mid=9782)

今天又來恐慌，大家今次要分段買：

日本政府其實保守、固執，不肯認衰，亦努力不公布死亡、失蹤數字，不想認輸，核電廠事故亦一拖再拖，只求國際原子能組織派員幫助，你會估到實際情況一定比傳媒更差，所以個底可能係今日，或者係聽日後日，甚至核子大爆炸，有錢無命享。HAHA

不過，今日跌800幾點 (至11時)，不少股份已相當吸引。因此，買入早前抽升，今日終於跟市大跌4%左右的股份，曾教授講果的航運股有錢途，派硬特別股息。另外某中小型地產股今年終於有樓賣，大股東由9.X買到11.X，宜家10，唔買走寶。

內銀股應走出谷底，因為終於聽阿爺話借少d錢，中小型銀行股差別存準金影響較低，未集資的某銀行估值低到傻，增長亦快，又有炒供股概念，買來供埋股，半年內應該執到2-3成。

講完，祝大家賺多D，輸晒咪賴我。